حذف بياناتك

آخر تحديث: ٥ سبتمبر ٢٠٢٦

ده الطريق الرسمي والوحيد اللي تطلب بيه إن Subul Education تمسح البيانات اللي عندها عنك. الطلب مجاني، ومش محتاج سبب، ومش بيأثر على أي خدمة خلصت بالفعل.

البيانات اللي ممكن تكون عندنا

• اسمك ورقم تليفونك وإيميلك.
• إجاباتك على استمارة التقديم على فيسبوك أو إنستجرام (المجموع، الشعبة، المسار، التخصص، ميعاد البدء، الميزانية).
• محادثات واتساب وماسنجر وتعليقات ورسايل إنستجرام بينك وبين الشركة.
• تسجيلات المكالمات اللي بتتعمل مع فريقنا، ومدتها ونتيجتها.
• المستندات اللي بعتّها بنفسك (شهادة، باسبور، بطاقة) — محفوظة كملفات خاصة، وعمرها ما بتتنشر.

إزاي تطلب الحذف

أو ابعت إيميل على admissions@subul-education.com وموضوعه «طلب حذف بيانات»، ومكتوب فيه:

• اسمك بالكامل.
• رقم التليفون اللي تواصلت بيه معانا (ده اللي بنلاقي بيه ملفك).
• إن كنت عايز حذف كامل ولا حذف المستندات بس.

مش محتاج حساب على الموقع ولا باسورد. إحنا بنتأكد إنك صاحب الطلب برسالة تأكيد على نفس الرقم أو الإيميل.

بيحصل إيه بعد الطلب

• بنبعتلك تأكيد استلام خلال يوم عمل واحد.
• بننفّذ الحذف خلال ٣٠ يومًا على الأكثر، وبنبعتلك تأكيد بالتنفيذ.
• بيتشال: ملفك، وإجابات الاستمارة، والمحادثات، وتسجيلات المكالمات، والمستندات.
• رقمك بيتحط في قايمة منع تواصل عشان مايتسجّلش تاني من إعلان قديم.

اللي بنضطر نحتفظ بيه

لو كان بينك وبين المكتب عقد موقّع أو دفعة، القانون المصري بيلزمنا نحتفظ بالمستندات المالية والتعاقدية للمدة المقررة قانونًا. اللي بيتحفظ في الحالة دي هو العقد وإيصالات الدفع بس — مش المحادثات ولا المستندات الشخصية ولا تسجيلات المكالمات، ودول بيتحذفوا زي أي طلب عادي.

وبنحتفظ برقمك في قايمة منع التواصل نفسها، لأن ده الشيء الوحيد اللي بيضمن إننا مانرجعش نكلمك.

بيانات فيسبوك وإنستجرام

لو وصلتنا من إعلان على فيسبوك أو إنستجرام، إحنا بنستقبل بس الإجابات اللي إنت بعتّها في الاستمارة. حذفها من عندنا بيتم بنفس الخطوات فوق. ولو عايز تشيل ربط حسابك بالتطبيق نفسه، ده بيتعمل من إعدادات فيسبوك عندك: Settings & privacy → Settings → Apps and Websites.

لو محصلش رد

لو عدّت المدة من غير تنفيذ، ابعت على mohamed.marei@subul-education.com وهيتصعّد الطلب مباشرة.

سياسة الخصوصية كاملة