بنوصّل الطالب المصري للجامعة التركية — وبنثبتها بالورق.

الخدمات

باقة متكاملة من لحظة القرار لحد استقرار الطالب هناك.

إزاي بنشتغل

أربع خطوات، والطالب متحدّث بيها أول بأول.

1. ١
   يوصلنا طلبكمن صفحاتنا أو حد يرشحك — ونرد في نفس اليوم.
2. ٢
   مكالمة تعريفيةنفهم مجموعك وتخصصك ونقولك بصراحة تقدر تدخل إيه.
3. ٣
   تجهيز الملف والتقديمالأوراق، الترجمة، والتقديم للجامعة — بعقد مكتوب.
4. ٤
   القبول والمتابعةالسكن، الاستقبال، والإقامة لحد ما الطالب يستقر.

الـ٣٥ ألف دي مقابل إيه بالظبط؟

٤٢ إجراء بالاسم، من فتح الملف لحد الإقامة الطلابية — ترجمة وتوثيق وأبوستيل ومعادلة شهادة وتثبيت وتسجيل ومتابعة. دي القائمة كاملة، مش عيّنة منها.

الـ٤٢ إجراء دول هما الشغل اللي بننفّذه ومقابل المكتب بيغطيه — ومعاهم رسوم معادلة الشهادة (الدنكلك) ورسوم التأمين الصحي، دي علينا إحنا وداخلة في الـ٣٥ ألف. أما الرسوم الرسمية التانية اللي بتستحقها جهة خارجية — الجامعة أو مركز اللغة أو التأشيرة أو تذكرة السفر أو جهة الإقامة — فالطالب بيسددها للجهة نفسها وبيعرف قيمتها قبل السداد. يعني بوضوح: تجهيز ملف الإقامة ومتابعته ضمن الخدمة (الإجراءات ٣٦–٣٨)، ورسم الإقامة نفسه على الطالب — بخلاف الدنكلك والتأمين الصحي، فرسمهم علينا.

ومفيش دفعة تالتة لأتعاب المكتب بعد الـ٣٥ ألف. والمرحلة الأولى عليها ضمان: لو الملف كامل ومطلعش قبول خلال ٣٠ يوم، بيترد المبلغ بالكامل — والتانية بتكتمل خلال ١٥ يوم عمل من سداد المصاريف. القائمة الكاملة في البيان ←

ليه تثق فينا؟ متثقش — اتأكد.

كل حاجة تحت دي تقدر تراجعها بنفسك قبل ما تلتزم بأي حاجة.

• كيان قانوني واحد، باسمه الكاملالطرف الأول في العقد هو شركة سبل كولكتيف جروب للتعليم عن بعد والتدريب — شركة ذات مسئولية محدودة — عقد تأسيس (هيئة الاستثمار) رقم 26-73291-05-1-01، والموقّع عنها عبدالرحمن علي محمد محمد عثمان. الاسم ده مكتوب بالحرف في البيان المالي وفي العقد، وتقدر تراجعه قبل أي تعاقد.
• فرعين، واحد منهم في تركياالقاهرة — المعادي، شارع ٢٨٨ (متفرّع من شارع الجزائر)، عمارة ٦ — الطابق ٣ — شقة ٦ — بميعاد ومن غير أي التزام. وإسطنبول — موب توريم، إسنيورت، والمسؤول عن الاستقبال هناك د. محمد مرعي، ورقمه منشور تحت.
• أعمال سابقة بالمستندات٢٨ خطاب قبول من ٦ جامعات تركية، كل واحد بترويسته وختمه وتاريخه — معروضين بالكامل، تقدر تفتحهم وتقراهم دلوقتي.
• ليه كارابوك بالذات في معظم القبولات؟لأنها من نخبة أفضل ١١٪ من جامعات تركيا، وبتقبل الطالب المصري في تخصصات قوية بمصاريف مسار حكومي. مش شرط تكون هي اختيارك — بنقدّم على الجامعة اللي بتناسب مجموعك ورغبتك، وفي الصفحة دي قبولات من ٦ جامعات مختلفة.
• قواعد سداد مكتوبةالسداد لحساب باسم الشركة بس — مش لأي حساب باسم شخص — وكل دفعة ليها إيصال مرقّم، وبيانات الحساب بتتسلّم في العقد ومن رقم الواتساب الرسمي بس.
• تكلفة معلنة قبل ما تدفعبيان مالي وإجرائي كامل منشور برقم وثيقة ونسخة — كل مرحلة وكل مبلغ ولمين ومتى، منشور قبل ما تلتزم بأي حاجة.

أسئلة بيتسألوها قبل ما يقرروا

الإجابات دي ملخّص — التفاصيل الملزمة كلها في البيان المالي والإجرائي.

هل التأشيرة مضمونة؟

لأ، ومحدش يقدر يضمنها. قرار التأشيرة قرار سيادي بتصدره الجهات التركية، وأي مكتب بيقولك إنه ضامنها بيكدب عليك. اللي بنعمله إننا نجهّز الملف صح ونقلّل أسباب الرفض — إثبات القدرة المالية، اتساق المستندات، ووضوح إن الغرض دراسة.

طب لو الفيزا اترفضت، الفلوس تضيع؟

لأ. الفلوس اللي اتدفعت قبل كده كانت مقابل حاجات الطالب خدها بالفعل: القبول الجامعي، التثبيت والتسجيل، تجهيز الملف، وأعمال الجهات المصرية. بعد الرفض بنراجع السبب، نعالج نقطة الضعف، ونعيد التقديم — والطالب مش بيدفع أتعاب المكتب تاني عن خدمة اتنفذت خلاص، وممكن يدفع بس الرسوم الجديدة اللي بتفرضها جهة خارجية.

بدفع كام، وعلى كام مرحلة؟

مفيش مبلغ واحد مقدّم. ١٧٬٥٠٠ ج عند استخراج القبول، و١٧٬٥٠٠ ج عند التثبيت والتسجيل، و١٠–٢٠ ألف ج بداية اللغة، بالإضافة لرسوم خارجية (حكومية + تأشيرة + طيران). الإجمالي التقريبي لحد الوصول لتركيا ≈ ٦٠–٧٠ ألف ج. كل مرحلة بتعرف قبلها: بتدفع كام، ولمين، ومقابل إيه، وإمتى الدفعة اللي بعدها.

وإيه اللي مش داخل في الرقم ده؟

السكن والمعيشة الشهرية جوّه تركيا (تخطيط من ٨–١٠ آلاف ج شهريًا على الأقل)، باقي مستويات اللغة في السنة التحضيرية (≈٣٠–٤٠ ألف ج)، ومصروفات الجامعة السنوية بعد التحضيرية (≈٣٠–٤٥ ألف ج للمسار الحكومي). ورسم الإقامة الطلابية نفسه — تجهيز ملف الإقامة ومتابعته داخلين في الخدمة (الإجراءات ٣٦–٣٨)، لكن الرسم بيتدفع لجهة الإقامة التركية مباشرةً. أما رسوم معادلة الشهادة (الدنكلك) والتأمين الصحي فدي علينا وداخلة في الـ٣٥ ألف.

إيه الورق اللي محتاجينه مني؟

تلات حاجات بس عشان الملف يبقى كامل: شهادة الثانوية (أي نوع)، وجواز السفر، وصورة شخصية. ومهلة الاسترداد المنصوص عليها بتبدأ من يوم ما الورق ده يوصلنا كامل، مش من يوم التعاقد.

الموضوع بياخد قد إيه، وفيه مواعيد ملزمة؟

آه، مرحلتين بمواعيد مكتوبة. المرحلة الأولى: لو الملف كامل ومطلعش قبول مطابق للرغبات خلال ٣٠ يوم، بيترد الـ١٧٬٥٠٠ بالكامل. المرحلة التانية: التثبيت بيكتمل خلال ١٥ يوم عمل من سداد مصاريف الجامعة والمكتب. وإجمالي الرحلة من بدء الإجراءات لحد الاستعداد للسفر: ٤٥ يوم لشهرين، حسب توقيت فتح الجامعات ومواعيد التأشيرة.

مين هيستقبل ابني في تركيا؟

د. محمد مرعي — ورقمه في تركيا +90 507 157 0563، وعندنا فرع في إسطنبول — موب توريم، إسنيورت. مش هتبعت ابنك لمكتب في القاهرة وخلاص — فيه حد باسمه ورقمه على الأرض هناك.

إزاي أتأكد إن القبولات اللي على الموقع دي حقيقية؟

افتحها. كل خطاب معروض بحجمه الكامل بترويسة الجامعة وختمها وتاريخها. خطابات الجامعات الحكومية عليها كود تحقق رسمي من مجلس التعليم العالي التركي (YÖK) — إحنا مش بننشر الكود نفسه عشان بيفتح ملف الطالب كامل — وخطابات الجامعات الخاصة بيتحقّق منها من مكتب العلاقات الدولية بالجامعة. ولو عايز تتأكد بنفسك، كلّمنا ونوريك الأصل، أو نوصّلك بطالب من دول شخصيًا بموافقته.

مين اللي هيتعاقد معايا، وأقدر أجي المكتب؟

كيان واحد بس: شركة سبل كولكتيف جروب للتعليم عن بعد والتدريب ش.ذ.م.م — دي الطرف الأول في العقد وهي المسؤولة قانونًا عن تنفيذ الخدمة، وغرضها بيشمل التعليم عن بُعد والتدريب والاستشارات التعليمية. عقد تأسيسها رقم ٢٦-٧٣٢٩١-٠٥-١-٠١ (ده رقم عقد التأسيس مش سجل تجاري — السجل بيصدر بعدين من الهيئة)، والموقّع عنها عبدالرحمن علي محمد محمد عثمان، المدير وله حق التوقيع منفردًا. أما Subul Education فهي علامة تجارية وصاحبة الموقع ده، ومش طرف في العقد. لو لقيت أي اسم تالت في العقد ماتمضيش. ومكتب المقابلات في القاهرة — المعادي، شارع ٢٨٨، عمارة ٦، الطابق ٣، شقة ٦، بميعاد.

تواصل معانا

ابعتلنا مجموعك ونوع شهادتك، ونقولك بصراحة تقدر تدخل إيه — من غير وعود.